Esta iniciativa cidadá apartidista e sen ningunha afinidade ideolóxica concreta, xorde espontaneamente da idea de que a xente nova, e a non tan nova, temos parte de culpa da irracionalidade que estamos sufrindo en materia de vivenda. Un principio recollido na Constitución é o acceso a unha vivenda digna e non o estamos a defender axeitadamente.
Este dereito lévase vulnerando dende hai moito tempo sen que ningún goberno, até agora, puxera en marcha medidas reais para protexelo, como deben facer segundo a Carta Magna. E visto o visto, se nós non defendemos o seu cumprimento, ninguén o fará no noso lugar, xa que son moitos axentes implicados, e moi poderosos, os que inventaron este novo xeito de escravitude e están a beneficiarse a costa do futuro íntegro de moitas persoas: bancos, construtoras, axencias inmobiliarias, concellos...
Un dos mecanismos que nos dá a democracia para reclamar os nosos dereitos non protexidos é a manifestación. Con esa intención estamos a organizar sucesivas mobilizacións e actos nos que, cando menos, se nos escoite. Se cadra conseguimos que as distintas instancias do goberno lexislen en contra da especulación inmobiliaria e consigan freala, ou se cadra, pero o que si é seguro é que despois de nos escoitaren, teranos máis en conta e non exercitarán a pasividade que teñen demostraron neste asunto durante estes últimos anos. Ti tamén tes que facer algo.
|
A Plataforma por unha Vivenda Digna é unha asociación de ámbito estatal inscrita no rexistro nacional de asociacións co número 588195, que leva dende finais de 2003 loitando por unha vivenda digna e accesíbel e por un urbanismo máis xusto e sostíbel á medida dos cidadáns e das cidadás. Se estás de acordo coas nosas bases de traballo e a túa comunidade autónoma non figura nesta listaxe, se desexas que tamén participe das accións que xa se están a desenvolver a nivel estatal e resides nalgunha das súas principais capitais, ponte en contacto connosco e axudarémosche a comezar. |
